Listaxe definitivo de grupos admitidos

A Continuación publícase o listaxe definitivo na solicitude de prazas para a vindeira quenda semestral de ensaios que dará comezo o vindeiro luns, 21 de outubro. Os grupos admitidos serán convocados, nos enderezos de e-mail facilitados nas súas inscricións, á xuntanza de adxudicación de horarios.

As solicitudes enviadas unha vez rematou o prazo ordinario de inscrición, e até a apertura do novo proceso de inscrición en marzo, serán tratadas por orde de recepción, ofertando os horarios que queden dispoñibeis tras escoller os grupos que presentaron a documentación en prazo.

Seguir lendo

Listaxe provisional de grupos admitidos

A continuación publicamos as listaxes provisionais na solicitude de prazas para a quenda semestral de ensaios que dará comezo o 21 de outubro:

Unha vez publicada esta listaxe, ábrese un prazo de 10 días naturais para que os/as interesados/as podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán enviar a documentación requerida ao enderezo de e-mail: xuventude@coruna.gal.

De existir algún grupo que, tendo presentada a súa solicitude en prazo, non apareza nesta listaxe, poderá pórse en contacto cos Locais de Ensaio do Concello da Coruña no e-mail: locaisdensaio@gmail.com.

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, iranse repartindo os horarios dispoñibeis segundo a orde estipulada nas bases de convocatoria, requerindo a presenza dun/dunha representante de cada proxecto musical inscrito. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios todavía non asignados.

Seguir lendo

Novo proceso de inscricións!

 

Desde este luns, 16 de setembro, pódese optar a unha das 48 prazas semanais de ensaio para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos actualmente na cidade son os 2 únicos requisitos para desfrutar das 3 horas semanais de ensaio que se ofertan por grupo.

Podes consultar as bases de convocatoria, descargar o formulario de inscrición, e envialo a xuventude@coruna.gal xunto ao resto da documentación requerida:

- DNI´s de todos/as os/as integrantes
- Volante de empadroamento no Concello da Coruña (con data de 2024), ou ben certificado de matrícula escolar para o curso 2024/25 nun centro da cidade de, cando menos, a metade do grupo
- No caso de haber menores de idade no grupo, engadirase o permiso paterno/materno/do titor/a, asinado e compañado polo DNI da persoa que dá o permiso

O prazo ordinario de inscrición rematará o 27 de setembro. Os novos horarios resultantes deste proceso comezarán a aplicarse a partires do 21 de outubro.

Os novos grupos residentes terán a posibilidade de desenvolver, de balde, o seu proxecto musical nun espazo totalmente equipado, podendo gravar as súas composicións no estudio, depurar a súa imaxe corporativa, gañar experiencia enriba dun escenario en eventos e festivais, e recibir o apoio que precisen con titorias específicas para cada proxecto.

Seguir lendo

Directos no Castelo 2024

O verán musical coruñés dará comezo no Castelo de San Antón, o venres 21, coa terceira edición dos Directos No Castelo. Logo do éxito nos anos pasados, onde se esgotaron todas as entradas, repetirase a fórmula como xeito de dar a coñecer novos grupos da nosa cidade. Serán 6 os grupos usuarios dos Locais de Ensaio do Concello da Coruña que participarán nesta ocasión: O Conto de Sempre, Experimento Basement, Roda Door, Ardi Jazz, Hell´s Heaven e Nuclear Waste forman, por orde de actuación, o line up do evento que, desta vez, será especialmente variado en canto a estilos, desde o Jazz ao Metal, pasando polo Funk ou o Indie.

Para acceder ao evento como público, só hai que descargar os convites que estarán á disposición de toda a cidadanía en coruna.gal/mocidade a partires do mércores 12 ás 08.00 h. A capacidade do emprazamento estará limitada.

Seguir lendo

Listaxe definitivo de grupos admitidos

A Continuación publícase o listaxe definitivo na solicitude de prazas para a vindeira quenda semestral de ensaios que dará comezo o vindeiro luns, 22 de abril. Os grupos admitidos serán convocados, nos enderezos de e-mail facilitados nas súas inscricións, á xuntanza de adxudicación de horarios.

As solicitudes enviadas unha vez rematou o prazo ordinario de inscrición, e até a apertura do novo proceso de inscrición en setembro, serán tratadas por orde de recepción, ofertando os horarios que queden dispoñibeis tras escoller os grupos que presentaron a documentación en prazo.

Seguir lendo

Festival En Directo 2024

O vindeiro venres, 12 de abril, terá lugar unha nova edición do Festival En Directo. Producido desde os Locais de Ensaio do Concello da Coruña, terá como protagonistas a 5 grupos noveis, todos usuarios deste servizo municipal.

O Indie-Rock de "Experimento Basement" e "O Conto de Sempre", o Metal de "Hell´s Heaven", ou as propostas máis eclécticas a cargo de "JPG" e "Roda Door" están a pulirse nos últimos ensaios previos os seus concertos.

A Sala O Túnel do Coliseum acollerá este evento, que dára comezo ás 20.00 h. Para asistir, as persoas interesadas poderán descargar, de balde, as súas invitacións a través da web coruna.gal/mocidade. A capacidade do emprazamento estará limitada.

Seguir lendo

Listaxe provisional de grupos admitidos

A continuación publicamos as listaxes provisionais na solicitude de prazas para a quenda semestral de ensaios que dará comezo o 22 de abril:

Unha vez publicada esta listaxe, ábrese un prazo de 10 días naturais para que os/as interesados/as podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán enviar a documentación requerida ao enderezo de e-mail: xuventude@coruna.gal.

De existir algún grupo que, tendo presentada a súa solicitude en prazo, non apareza nesta listaxe, poderá pórse en contacto cos Locais de Ensaio do Concello da Coruña no e-mail: locaisdensaio@gmail.com.

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, iranse repartindo os horarios dispoñibeis segundo a orde estipulada nas bases de convocatoria, requerindo a presenza dun/dunha representante de cada proxecto musical inscrito. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios todavía non asignados.

Seguir lendo