En Directo nos Barrios 2019

Os Locais de Ensaio do Concello da Coruña pechan 2019 cunha nova edición de "En Directo Nos Barrios". Trátanse de concertos duns 30 minutos onde os grupos residentes deste equipamento municipal poden dar mostra do traballo que veñen facendo nos últimos meses.

O evento terá lugar na Fundación Luís Seoane os días 26 e 27 de decembro, en horario de 21.00 a 23.00 h, e contará coa participación dos grupos Beards & Beers, Black Crab, Final Act, Saint Crown, Shock e Tangerine. O acceso ao público será libre até cubrir o aforo.

Seguir lendo

Festival Solidario Coruña En Directo 16

9 grupos residentes nos Locais de Ensaio do Concello da Coruña apoiarán coa súa música a 16ª edición do Festival Solidario Coruña En Directo. O Indie-Pop de Planeta Fugaz, Peripatéticos e The Wonderminds, o Rock de Beards & Beers, Crimson And Clover, WetSocks e Lurch, e o Punk de Saint Crown e Nordés encherán de música a Sala O Túnel do Coliseum no serán do venres 8. Serán 5 horas de música nas que descubrir novas propostas musicais feitas pola mocidade coruñesa, apoiando a labor humanitaria da O.N.G. AIRE, asociación de profesionais médico-sanitarios e de emerxencias especializados en crises humanitarias. Para asistir ao evento, o público apoia a súa labor adquirindo 2 caixas de "tiriñas máxicas para feridas reais" directamente ao persoal voluntario da asociación.

Este evento trata tamén de apoiar os primeiros pasos deste tipo de grupos. Nesta edición, serán Peripatéticos e Lurch os proxectos que debuten, pero tamén se poderá desfrutar do directo de grupos máis rodados, como The Wonderminds e Crimson And Clover que xa participaron en festivais de grande magnitude como o Noroeste Estrella Galicia. De feito, este último grupo resultou ser o máis votado polos seus compañeiros nun concurso realizado esta mesma semana, e terá a posibilidade de gravar un videoclip nos vindeiros meses.

Seguir lendo

Listaxe definitivo de grupos admitidos para o comezo da quenda semestral de ensaios outubro 2019-marzo 2020

A continuación publícase a listaxe definitiva na solicitude de prazas para a quenda semestral de ensaios que dará comezo o luns 21 de outubro.

Os grupos admitidos foron convocados, nos enderezos de e-mail facilitados nas súas inscricións, á xuntanza de adxudicación de horarios.

Seguir lendo

Listaxe provisional de grupos admitidos para a quenda semestral de ensaios outubro 2019 - marzo 2020

A continuación se publican as listaxes provisionais na solicitude de prazas para a quenda semestral de ensaios que dará comezo o 21 de outubro:

Unha vez publicada esta listaxe provisional, ábrese un prazo de 10 días naturais para que os/as interesados/as podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán enviar a documentación requerida ao enderezo de e-mail xuventude@coruna.es

De existir algún grupo que, tendo presentada a súa solicitude en prazo, non apareza nesta listaxe, poderá porse en contacto cos Locais de Ensaio do Concello da Coruña no e-mail: locaisdensaio@gmail.com

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, como é costume, iranse repartindo os horarios dispoñibeis segundo a orde estipulada no regulamento interno, requerindo a asistencia dun/dunha representante de cada agrupación. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios que queden sen adxudicar.

Seguir lendo

Mellor convosco | Aberto novo prazo ordinario de inscrición

Xa se pode optar a unha das 48 prazas semanais de ensaio que se ofertan para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos nun centro do municipio son os 2 únicos requisitos.

Podes consultar as bases de convocatoria, descargar o formulario de inscrición e envialo a xuventude@coruna.es xunto ao resto da documentación requerida:

- DNI´s de todos/as os/as integrantes

- Volante de empadroamento (con data de 2019) ou certificado de matrícula para o curso 2019/20

- No caso de haber menores de idade no grupo, se engadirá o permiso paterno/materno ou do titor, asinado e acompañado pola fotocopia do DNI da persoa que dá o permiso.

O prazo ordinario de inscrición rematará o 27 de setembro. A partires do 1 de outubro subirase a este blogue a listaxe provisional de grupos admitidos, abrindo un prazo de alegacións de 10 días. O 14 de outubro publicarase a listaxe definitiva, convidando por e-mail aos grupos aptos á xuntanza de adxudicación dos novos horarios, os cales darán comezo o luns 21.

Seguir lendo

Festival Solidario Coruña En Directo 15

Unha nova edición do Festival Solidario Coruña En Directo terá lugar o venres 26. Nela, participarán 8 dos grupos residentes nos Locais de Ensaio do Concello da Coruña, nun evento que durará 5 horas e ecléctico no que atinxe aos estilos musicais: Desde Indie-Pop a Metal, pasando por Rock clásico, Garage e Punk poderanse escoitar ese serán nos baixos do Coliseum.

Os 32 mozos e mozas que se subirán ao escenario da Sala O Túnel apoiarán coa súa música a labor da ONG A.I.R.E., xa que o público deberá adquirir, no propio acceso á sala o día do evento, 2 € en "tiriñas máxicas" que comercializa esta entidade afincada na cidade para costear o apoio humanitario que leva a cabo en lugares como Grecia ou o Sáhara.

Este formato de festival tenta facilitar os primeiros pasos dos proxecto musicais participantes. Grupos coma Atacama ou Nordés terán o seu debut, pero tamén se poderá desfrutar de grupos especialmente activos nos últimos meses como Crimson And Clover ou Theta Waves.

Seguir lendo

Listaxe definitivo de grupos admitidos para o comezo da quenda semestral abril-outubro 2019

A continuación publícase a listaxe definitiva na solicitude de prazas para a quenda semestral de ensaios que dará comezo o luns 22 de abril.

Os grupos admitidos foron convocados, nos enderezos de e-mail facilitados nas súas inscricións, á xuntanza de adxudicación de horarios.

Seguir lendo

Listaxe provisional de grupos admitidos para a quenda semestral de ensaios abril-outubro 2019

A continuación se publican as listaxes provisionais na solicitude de prazas para a quenda semestral de ensaios que dará comezo o 22 de abril:

Unha vez publicada esta listaxe provisional, ábrese un prazo de 10 días naturais para que os/as interesados/as podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán enviar a documentación requerida ao enderezo de e-mail xuventude@coruna.es.

De existir algún grupo que, tendo presentada a súa solicitude en prazo, non apareza nesta listaxe, poderá porse en contacto cos Locais de Ensaio do Concello da Coruña no e-mail: locaisdensaio@gmail.com

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, como é costume, iranse repartindo os horarios dispoñibeis segunda a orde estipulada no regulamento interno, requerindo a asistencia dun/dunha representante de cada agrupación. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematada o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios que queden sen adxudicar.

Seguir lendo

Volume 8

Xa está na rúa a 8ª escolma de cancións gravadas no estudio dos Locais de Ensaio do Concello da Coruña. O Volume 8 consta de 8 cortes, con gran variedade nos estilos musicais dos grupos que participan (Metal, Indie, Pop, Rock, ...). Poderedes ver os progresos de grupos que xa aparecían na anterior edición (Tripod3, Theta Waves, The Wonderminds, pero tamén descubrír novos proxectos musicais.

Pódense conseguir, de balde, as copias do Volume 8 en todas as Bibliotecas Municipais, no Centro de Información Xuvenil, e nos propios Locais de Ensaio.

Seguir lendo

O teu local: Ábrese novo prazo ordinario de inscricións

Xa se pode optar a unha das 48 prazas semanais de ensaio que se ofertan para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos nun centro do municipio son os 2 requisitos.

Podes consultar as bases de convocatoria, descargar o formulario de inscrición, e tamén o permiso a menores de idade; toda a documentación requerida debe enviarse por e-mail a xuventude@coruna.es. O prazo ordinario de inscrición remata o 24 de marzo (todas as solicitudes aportadas fóra de prazo serán atendidas, por orde de recepción, unha vez comezado o novo semestre).

A partir do 26 de marzo poderá consultarse a listaxe provisional, abríndose un prazo de 10 días naturais para presentar alegacións. O semana do 8 de abril publicarase a listaxe definitiva neste proceso, comezando o novo cadrante de horarios o 22 de abril.

Lembramos que este espazo municipal está dotado con todo o necesario para que os grupos só teñan que achegar ao Coliseum as súas guitarras, baquetas, e ganas de tocar. Ademais, contamos cun estudio onde gravar maquetas, e cun departamento de imaxe onde poder crear logos, fotos e demais arquivos que axuden aos grupos a chegar ao seu público, así como diversos eventos onde mostrar en directo o seu traballo.

Seguir lendo