O concello activa un dispositivo de voluntariado para a atención da veciñanza máis vulnerable

O concello activa un dispositivo de voluntariado para atender ás persoas que se atopan en situación de dependencia e soidade ou que teñen mobilidade reducida, polo que se fai un chamamento á cidadanía para que colabore no servizo, dadas as circunstancias provocadas polo coronavirus.

Para formaren parte do equipo solidario, as persoas solicitantes teñen que ser maiores de idade e inscribirse a través dun formulario, que está colgado na páxina web https://www.coruna.gal/participacion/gl/voluntariado/voluntariado-covid-19. Tampouco poderán anotarse como voluntarias e voluntarias se están enmarcadas nos colectivos de risco. As e os cooperantes recibirán as indicacións oportunas por parte de Protección Civil de cara a desenvolver os labores que se lles pidan nas condicións axeitadas.  

Todas e todos os que asuman este traballo sen remuneración farano de forma individual e seguindo as indicacións e medidas de prevención marcadas polas autoridades sanitarias.

Seguir lendo

Novo prazo ordinario de inscrición - Locais de Ensaio

Xa se pode optar a unha das 48 prazas semanais de ensaio que se ofertan para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos nun centro do municipio son os 2 únicos requisitos.

Podes consultar as bases da convocatoria, descargar o formulario de inscrición, e envialo a xuventude@coruna.es xunto ao resto da documentación requerida:

- DNI´s de todos/as os/as integrantes

- Volante de empadroamento (con data de 2020) ou certificado de matrícula para o curso 2019/20

- No caso de haber menores de idade no grupo, se engadirá o permiso paterno/materno ou do/a titor/a, asinado e acompañado pola fotocopia do DNI da persoa que dá o permiso.

O prazo ordinario de inscrición rematará o 22 de marzo. A partires do 24 de marzo subirase a este blogue a listaxe provisional de grupos admitidos, abrindo un prazo de alegacións de 10 días. O 14 de abril publicarase a listaxe definitiva, convidando por e-mail aos grupos aptos á xuntanza de adxudicación dos novos horarios, os cales darán comezo o luns 20.

Seguir lendo

En Directo nos Barrios 2019

Os Locais de Ensaio do Concello da Coruña pechan 2019 cunha nova edición de "En Directo Nos Barrios". Trátanse de concertos duns 30 minutos onde os grupos residentes deste equipamento municipal poden dar mostra do traballo que veñen facendo nos últimos meses.

O evento terá lugar na Fundación Luís Seoane os días 26 e 27 de decembro, en horario de 21.00 a 23.00 h, e contará coa participación dos grupos Beards & Beers, Black Crab, Final Act, Saint Crown, Shock e Tangerine. O acceso ao público será libre até cubrir o aforo.

Seguir lendo

Festival Solidario Coruña En Directo 16

9 grupos residentes nos Locais de Ensaio do Concello da Coruña apoiarán coa súa música a 16ª edición do Festival Solidario Coruña En Directo. O Indie-Pop de Planeta Fugaz, Peripatéticos e The Wonderminds, o Rock de Beards & Beers, Crimson And Clover, WetSocks e Lurch, e o Punk de Saint Crown e Nordés encherán de música a Sala O Túnel do Coliseum no serán do venres 8. Serán 5 horas de música nas que descubrir novas propostas musicais feitas pola mocidade coruñesa, apoiando a labor humanitaria da O.N.G. AIRE, asociación de profesionais médico-sanitarios e de emerxencias especializados en crises humanitarias. Para asistir ao evento, o público apoia a súa labor adquirindo 2 caixas de "tiriñas máxicas para feridas reais" directamente ao persoal voluntario da asociación.

Este evento trata tamén de apoiar os primeiros pasos deste tipo de grupos. Nesta edición, serán Peripatéticos e Lurch os proxectos que debuten, pero tamén se poderá desfrutar do directo de grupos máis rodados, como The Wonderminds e Crimson And Clover que xa participaron en festivais de grande magnitude como o Noroeste Estrella Galicia. De feito, este último grupo resultou ser o máis votado polos seus compañeiros nun concurso realizado esta mesma semana, e terá a posibilidade de gravar un videoclip nos vindeiros meses.

Seguir lendo

Listaxe definitivo de grupos admitidos para o comezo da quenda semestral de ensaios outubro 2019-marzo 2020

A continuación publícase a listaxe definitiva na solicitude de prazas para a quenda semestral de ensaios que dará comezo o luns 21 de outubro.

Os grupos admitidos foron convocados, nos enderezos de e-mail facilitados nas súas inscricións, á xuntanza de adxudicación de horarios.

Seguir lendo

Listaxe provisional de grupos admitidos para a quenda semestral de ensaios outubro 2019 - marzo 2020

A continuación se publican as listaxes provisionais na solicitude de prazas para a quenda semestral de ensaios que dará comezo o 21 de outubro:

Unha vez publicada esta listaxe provisional, ábrese un prazo de 10 días naturais para que os/as interesados/as podan presentar as alegacións que estimen convintes. Finalizado este prazo, publicarase a listaxe definitiva. Os grupos que consten con solicitudes incompletas poderán enviar a documentación requerida ao enderezo de e-mail xuventude@coruna.es

De existir algún grupo que, tendo presentada a súa solicitude en prazo, non apareza nesta listaxe, poderá porse en contacto cos Locais de Ensaio do Concello da Coruña no e-mail: locaisdensaio@gmail.com

Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, como é costume, iranse repartindo os horarios dispoñibeis segundo a orde estipulada no regulamento interno, requerindo a asistencia dun/dunha representante de cada agrupación. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios que queden sen adxudicar.

Seguir lendo

Mellor convosco | Aberto novo prazo ordinario de inscrición

Xa se pode optar a unha das 48 prazas semanais de ensaio que se ofertan para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos nun centro do municipio son os 2 únicos requisitos.

Podes consultar as bases de convocatoria, descargar o formulario de inscrición e envialo a xuventude@coruna.es xunto ao resto da documentación requerida:

- DNI´s de todos/as os/as integrantes

- Volante de empadroamento (con data de 2019) ou certificado de matrícula para o curso 2019/20

- No caso de haber menores de idade no grupo, se engadirá o permiso paterno/materno ou do titor, asinado e acompañado pola fotocopia do DNI da persoa que dá o permiso.

O prazo ordinario de inscrición rematará o 27 de setembro. A partires do 1 de outubro subirase a este blogue a listaxe provisional de grupos admitidos, abrindo un prazo de alegacións de 10 días. O 14 de outubro publicarase a listaxe definitiva, convidando por e-mail aos grupos aptos á xuntanza de adxudicación dos novos horarios, os cales darán comezo o luns 21.

Seguir lendo