Publicamos o 7º recopilatorio anual de traballos plasmados no estudio de gravación dos Locais de Ensaio polos grupos usuarios ao longo do ano 2017. Desta vez, son 11 os cortes que atoparedes no disco, un dos máis variados de todos os que temos editado ao incluir estilos tan dispares coma o Punk, Indie, Metal, Trap e Rock.
Nel, podedes atopar a evolución de grupos asiduos das actividades que desenvolvemos dentro dos Locais, como Ingravity, Harakiri, Proyecto Moucho, Reminders, Quetzal Rider, ou Sala 5, e novidades como Theta Waves, Quieta, Trípod3, Wondermind e Thacheesemakers.
Poderedes conseguir, de balde, as copias en CD do Volume 7 en todas as Bibliotecas Municipais, no Centro Municipal de Información Xuvenil, e nos propios Locais de Ensaio, nos seus respectivos horarios de apertura. Tamén podedes acceder aos temas que integran o disco na playlist "Volume 7" da nosa canle de Youtube.
0 comentarios:
Publicar un comentario