14 de out. de 2020
Listaxe definitivo de grupos admitidos
A continuación publícase a listaxe definitiva na solicitude de prazas para a quenda semestral de ensaios que dará comezo o vindeiro luns, 19 de outubro:
As solicitudes enviadas unha vez rematou o prazo ordinario de inscrición serán tratadas por orde de envío, ofertando os horarios que queden dispoñibeis tras escoller os grupos que presentaron a documentación en prazo.
29 de set. de 2020
Listaxe provisional de grupos admitidos
A continuación publicamos as listaxes provisionais na solicitude de prazas para a quenda semestral de ensaios que dará comezo o 19 de outubro:
De existir algún grupo que, tendo presentada a súa solicitude en prazo, non apareza nesta listaxe, poderá porse en contacto cos Locais de Ensaio do Concello da Coruña no e-mail: locaisdensaiocoliseum@gmail.com
Todos os grupos que finalmente resulten aptos serán convocados mediante e-mail á xuntanza de adxudicación de horarios. Nela, como é costume, iranse repartindo os horarios dispoñibeis segundo a orde estipulada no regulamento interno, requerindo a presenza dun/dunha único/a representante de cada agrupación. Os grupos aptos que non asistan a esta xuntanza, xunto aos grupos cuxa solicitude fora enviada unha vez rematado o prazo ordinario de inscrición, conformarán a listaxe de agarda. Nela, ofertaranse por orde de solicitude os horarios que queden sen adxudicar.
7 de set. de 2020
Aberto prazo ordinario de inscrición para o vindeiro semestre de ensaios
Xa podes optar a unha das 48 prazas semanais de ensaio para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite actualmente vivir ou cursar estudos nun centro do municipio son os 2 únicos requisitos.
Podes consultar as bases de convocatoria, descargar o formulario de inscrición, e envialo a xuventude@coruna.es xunto ao resto da documentación requerida:
- DNI´s de todos/as os/as integrantes
- Volante de empadromento (con data de 2020), ou certificado de matrícula escolar para o curso 2020/21, de cando menos o 50% do grupo
- No caso de haber menores de idade no grupo, se engadirá o permiso paterno/materno ou do/a titor/a, asinado e acompañado pola fotocopia do DNI da persoa que dá o permiso.
O prazo ordinario de inscrición rematará o 25 de setembro. A partires do 29 de setembro, publicarase a listaxe provisional de admitidos, dando comezo a un prazo de 10 días naturais para presentar alegacións. O 13 de outubro publicarase a listaxe definitiva de grupos admitidos, e convidarase por e-mail aos grupos aptos á xuntanza de adxudicación dos novos horarios, os cales darán comezo o 19 de outubro.
Lembramos que este servizo municipal retomou a súa actividade a comezos de xullo, cunha serie de medidas a prol da seguridade das persoas usuarias, quenes teñen que seguir un protocolo ideado para previr contaxios. Entre estas medidas están:
- toma de temperatura antes do acceso.
- a capacidade máxima de cada sala está rebaixada para asegurar un mínimo de 4 m2 a cada integrante de cada grupo residente.
- as salas, e o backline do que están dotadas, desinféctanse logo de cada sesión de ensaio.
1 de xuño de 2020
13 de mar. de 2020
O concello activa un dispositivo de voluntariado para a atención da veciñanza máis vulnerable
O
concello activa un dispositivo de voluntariado para atender ás persoas
que se atopan en situación de dependencia e soidade ou que teñen
mobilidade reducida, polo que se fai un chamamento á cidadanía para que
colabore no servizo, dadas as circunstancias provocadas polo
coronavirus.
Para formaren parte do equipo solidario, as persoas solicitantes
teñen que ser maiores de idade e inscribirse a través dun formulario,
que está colgado na páxina web https://www.coruna.gal/participacion/gl/voluntariado/voluntariado-covid-19.
Tampouco poderán anotarse como voluntarias e voluntarias se están
enmarcadas nos colectivos de risco. As e os cooperantes recibirán as
indicacións oportunas por parte de Protección Civil de cara a
desenvolver os labores que se lles pidan nas condicións axeitadas.
Todas e todos os que asuman este traballo sen remuneración farano de
forma individual e seguindo as indicacións e medidas de prevención
marcadas polas autoridades sanitarias.
9 de mar. de 2020
Novo prazo ordinario de inscrición - Locais de Ensaio
Xa se pode optar a unha das 48 prazas semanais de ensaio que se ofertan para o vindeiro semestre nos Locais de Ensaio do Concello da Coruña. Que, cando menos, a metade do grupo sexa menor de 30 anos, e que o 50% da agrupación acredite vivir ou cursar estudos nun centro do municipio son os 2 únicos requisitos.
Podes consultar as bases da convocatoria, descargar o formulario de inscrición, e envialo a xuventude@coruna.es xunto ao resto da documentación requerida:
- DNI´s de todos/as os/as integrantes
- Volante de empadroamento (con data de 2020) ou certificado de matrícula para o curso 2019/20
- No caso de haber menores de idade no grupo, se engadirá o permiso paterno/materno ou do/a titor/a, asinado e acompañado pola fotocopia do DNI da persoa que dá o permiso.
O prazo ordinario de inscrición rematará o 22 de marzo. A partires do 24 de marzo subirase a este blogue a listaxe provisional de grupos admitidos, abrindo un prazo de alegacións de 10 días. O 14 de abril publicarase a listaxe definitiva, convidando por e-mail aos grupos aptos á xuntanza de adxudicación dos novos horarios, os cales darán comezo o luns 20.
O prazo ordinario de inscrición rematará o 22 de marzo. A partires do 24 de marzo subirase a este blogue a listaxe provisional de grupos admitidos, abrindo un prazo de alegacións de 10 días. O 14 de abril publicarase a listaxe definitiva, convidando por e-mail aos grupos aptos á xuntanza de adxudicación dos novos horarios, os cales darán comezo o luns 20.
