Nace un novo formato de festival na cidade da Coruña, os Directos No Castelo. O vindeiro xoves, 14 de xullo, a partires das 21.30 h, poderase desfrutar dos concertos, en formato showcase, de catro proxectos musicais que creceron dentro dos Locais de Ensaio do Concello da Coruña. O dúo Planeta Fugaz porá a disposición do evento as súas discorrentes letras, Final Act o seu Indie-Rock ecléctico, e tanto Os Presuntos como Black Crab darán a coñecer o seu Rock.
O evento terá lugar no Castelo de San Antón, que se confirma como unha das localizacións máis especiais para escoitar música na cidade. Para acceder como público, poderanse descargar de balde as entradas a través da web coruna.gal/mocidade. A capacidade do emprazamento estará limitada.
No caso de previsión de choiva, un recinto alternativo será desvelado neste blogue e nas redes sociais dos Locais de Ensaio (@locaisdensaio en Twitter e Instagram, @locaisdensaio.coruna en Facebook).
